Home | Morogoro Water Supply and Sanitation Authority(MORUWASA)

Photo Gallery

1

BODI YA MORUWASA YATEMBELEA MRADI WA UCHIMBAJI VISIMA VIREFU VYA KUTAFITI MAJI CHINI YA ARDHI

Mwenyekiti wa Bodi ya Wakurugenzi MORUWASA, Prof. Romanus Ishengoma pamoja na wajumbe wa bodi hiyo wametembelea na kukagua utekelezaji wa uchimbaji wa visima virefu wenye lengo la kutafiti upatikanaji wa maji chini ya ardhi katika eneo la Dakawa.
Ni katika ziara ya bodi hiyo kutembelea maeneo ya utekelezaji wa Mradi wa uboreshaji huduma ya Majisafi na Usafi wa Mazingira almaarufu kama mradi wa AFD ambapo pia wametembelea eneo la ujenzi wa kituo kipya cha kusukuma Maji Mkundi kwa Lung'wawa na eneo la Mlima Lugala ambapo yatajengwa matanki mawili ya kuhifadhi maji yenye ujazo wa lita milioni 12 na lita milioni 9.

Sambamba na ziara hiyo Bodi ya Wakurugenzi imepokea wasilisho la utekelzaji wa Mradi ambao lengo lake ni kuboresha huduma ya maji ili kukidhi mahitaji yanayoenda sambamba na ongezeko la watu na ukuaji wa Mji wa Morogoro.

Posted On : August.23.2024
1

RC CHALAMILA AMPONGEZA AWESO KWA USIMAMIZI MZURI WA SEKTA YA MAJI

Mkuu wa Mkoa wa Dar es Salaam, Mhe. Albert Chalamila amempongeza Waziri wa Maji, Mhe. Jumaa Aweso kwa usimamizi wake mzuri wa Sekta ya Maji nchini.
Mhe. Chalamila amebainisha hayo leo alipotembelea banda la Sekta ya maji Morogoro katika maonesho ya Nanenane Kanda ya Mashariki yanayoendelea katika viwanja vya Taso Nanenane, Manispaa ya Morogoro.

".. ninamshukuru sana ndugu yetu Mhe. Aweso kwa sababu amekuwa ni waziri mzuri anayesimamia vizuri Sekta ya Maji.." amesema Mhe. Chalamila.
Aidha amempongeza Mkuu wa Mkoa Morogoro, Mhe. Adam Malima kwa namna anavyoshirikiana na MORUWASA na RUWASA kupeleka huduma ya maji kwa wananchi.

ambamba na hayo ameitaka Bodi ya Maji Wami Ruvu kuendelea kujizatiti katika utunzaji na uhifadhi wa vyanzo vya maji ili huduma ya maji iweze kuwa endelevu kwa kuhamasisha upandaji wa miti yenye manufaa kwa wananchi hususan miti ya michikichi.

"kutokana na uharibifu uliofanyika nadhani sasa ni muhimu kuhamasisha wananchi wa Dar-es-Salaam kupanda miti itakayokuwa na manufaa kwao..." amesema Mhe. Chalamila.

Posted On : August.07.2024
- 1
  
  MHE. AWESO ATEMBELEA BANDA LA SEKTA YA MAJI,APONGEZA NA KUTOA MAELEKEZO YA UBORESHAJI HUDUMA
  
  Waziri wa Maji, Mhe. Jumaa Aweso amepongeza ushirikiano baina ya Taasisi za sekta ya Maji Morogoro na kuzitaka kuendelea kushirikiana katika kuhakikisha lengo la kutoa huduma ya maji ya uhakika kwa wananchi wa Morogoro linatimia.
  Mhe. Aweso ameyasema hayo leo alipotembelea banda la sekta ya maji Morogoro katika maonesho ya Nanenane kanda ya mashariki yanayoendelea katika viwanja vya NaneNane Taso, Morogoro.
  
  Mhe. Aweso ameielekeza MORUWASA kuhakikisha kuanzia kesho wanalala saiti ili kuhakikisha malalamiko ya maji kwa maeneo ya Lukobe, Mkundi, Mindu na Mkambarani yanapata huduma ya majisafi na salama.
  "maelekezo ambayo nimeyatoa kwa menejimenti ya MORUWASA lakini pia na Bodi ya MORUWASA kupitia Mkurugenzi wa MORUWASA Injinia Tamim kuanzia kesho na kuendelea ,watalala wataamka maeneo hayo ambayo nimeyataja kuhakikisha wanaongeza nguvu maeneo hayo waweze kupata huduma ya majisafi na salama" amesema Mhe. Aweso.
  
  Aidha amesisitiza juu ya uboreshaji wa huduma kwa wateja kwa kuhakikisha wateja wanapata huduma ya maunganisho ya maji ndani ya siku saba , kuepuka ubambikaji wa bili za maji kwa wateja na kukabiliana na suala zima la upotevu wa maji. " ..suala la upotevu lazima tukabiliane nalo, haiwezekani maji yaliyotibiwa maji yaliyopampiwa yapotee tu alafu mwananchi hana maji" amesema Mhe. Aweso
  
  Sambamba na hilo Mhe. Aweso amesisitiza kuhusu kuendelea kulinda na kutunza vyanzo vya maji ambapo ameyaagiza mabonde yote ya maji nchini kuhakikisha wanaendela kusimamia, kufuatilia na kuendeleza rasilimali za maji.
  
  Sekta ya Maji Morogoro ikihusisha MORUWASA , Bonde la Wami Ruvu na RUWASA Morogoro inaendelea kutoa huduma mbalimbali za maji kwa wananchi katika maonesho ya Nanenane,Morogoro.
  
  Posted On : August .05 .2024
- - 1
    
    MKURUGENZI MORUWASA AKAGUA HALI YA HUDUMA YA MAJI KAUZENI
    
    Mkurugenzi Mtendaji wa Mamlaka ya Majisafi na Usafi wa Mazingira Morogoro (MORUWASA) Mha. Tamim Katakweba amefanya ziara ya kushtukiza katika Kata ya Kauzeni kwa lengo la kukagua hali ya upatikanaji wa huduma ya maji katika maeneo mbali mbali ya kata hiyo.
    Katika ziara hiyo Mha.Katakweba ameendelea kuwasihi wananchi kuendelea kukamilisha taratibu za maunganisho ya maji ili kupata huduma ya maji majumbani.
    
    Aidha, Mha. Katakweba amefurahishwa na utendaji wa mafundi wa kanda hiyo Ndg. Clavery Kamfwa na Ndg. Julius Raphael kwa usimamizi mzuri wa huduma ya maji katika kata ya Kauzeni na kuhakikisha wananchi wanapata huduma ya maji bila vikwazo.
    Kwa upande wa wananchi wa kata hiyo wamempongeza Mha. Katakweba kwa huduma bora wanayoipata kutoka MORUWASA na kuiomba Mamlaka iongeze kasi ya maunganisho ya maji majumbani.
    
    .
    
    Posted On : Julay, 19,2024
  - - 1
      
      Watumishi wa sekta ya maji
      
      Naibu waziri wa sekta ya maji Mhe Mhandisi Kundo Mathew amewapongeza watumishi wa sekta ya maji mkoani Morogoro kwa kufanya kazi kwa bidii na kuifanya sekta hiyo kuwa ni msaada wa upatikanaji wa maji safi na salama kwa wananchi wa mkoa wa Morogoro. Ameyasema hayo katika kikao baina yake na watumishi wa sekta ya maji mkoa wa Morogoro kilichofanyika leo 25/05/2024 katika ukumbi wa hoteli ya Morena. Mhe. Kundo amewaasa watumishi kupendana na kutojihusisha na majungu katika kazi kwani vitendo hivyo vinashusha ufanisi wa kazi katika Wizara. Pia amewasisitiza watumishi wa sekta hiyo kufanya kazi kwa kushirikiana kwani mafanikio ya sekta ya maji hayaletwi na mtu mmoja Pamoja na hayo Mhe. Kundo amewashukuru watumishi wa sekta ya maji kwa kumpokea vizuri katika wizara hiyo na kuahidi ushirikiano wa hali na mali katika kuhakikisha wizara ya maji inakuwa ni mfano bora kiutendaji katika utoaji huduma bora kwa wananchi wa Tanzania. Ikumbukwe kuwa siyo muda mrefu tangu Mha. Kundo ateuliwe na Rais wa Jamhuri ya Muungano wa Tanzania Mhe. Dkt. Samia Suluhu Hassan kuwa Naibu Waziri wa Maji chini ya waziri wake Mhe. Jumaa Aweso. Kikao hicho kilihusisha watumishi walio chini ya sekta ya maji katika mkoa wa Morogoro kutoka taasisi za MORUWASA, BODI YA MAJI-BONDE LA WAMI RUVU, RUWASA, IFAUWASA, GAUWASA, TURUWASA na Maabara ya Ubora wa Maji.
      
      .
      
      Posted On : May, 20,2024
    - 1
      
      EWURA
      
      MORUWASA imetembelewa na wawakilishi kutoka EWURA Kanda ya Kati ambao wamefika kwa lengo la kutekeleza majukumu yao ya kiudhibiti katika Mamlaka yetu ikiwa ni pamoja na kukagua utekelezaji wa majukumu yetu.
      
      .
      
      Posted On : May, 20,2024
    - 1
      
      EWURA CCC YAPONGEZA MIKAKATI YA MORUWASA.
      
      Baraza la Ushauri la Watumiaji wa Huduma za Nishati na Maji ( EWURA CCC) limepongeza mikakati na miradi inayotekelezwa na MORUWASA ya kuhakikisha changamoto ya maji Morogoro inamalizika
      
      Pongezi hizo zimetolewa Juni 8,2023 na Kaimu Katibu Mtendaji wa EWURA CCC Bi. Stella Lupimo wakati wa ziara ya Bodi na Wajumbe wa baraza hilo ya kutembelea na kujifunza shughuli zinazotekelezwa na Mamlaka ya Majisafi na Usafi wa Mazingira Morogoro (MORUWASA)
      
      Bi. Lupimo amesema wamejionea namna MORUWASA ilivyojipanga katika kutatua changamoto ya maji Morogoro. "Moja ya vitu ambavyo tumejifunza na tumeondoka navyo kama baraza ni kwamba MORUWASA wamejipanga"
      Naye, Mkurugenzi Mtendaji wa MORUWASA Mha. Tamim Katakweba amesema kukamilika kwa miradi mbalimbali ya muda mfupi na kati inayoendelea kutekelezwa itapelekea Manispaa ya Morogoro kuwa na uhakika wa huduma ya maji kwa zaidi ya asilimia 100.
      
      .
      
      Posted On : Juni, 08,2023
    - 1
      
      Ofisi ya maji taka na mazingira.
      
      Zoezi la Usafishaji vyanzo vya maji vya vituli namwanzomgumu, uhamasishaji wa wananchi wanaoishi karibu na vyanzo hivyo kutunza mazingira, kutofanya shughuli za binadamu kwenye vyanzo vyanzo vya maji kama kufulia mtoni moja kwa moja,kuelekeza namna bora ujenzi wa vyoo ili visichafue vyanzo vya maji pamoja na kilimo bora ambacho ni rafiki wautunzaji wa ubora wa maji .
      
      Posted On : March, 23,2020
    - 1
      
      Ofisi ya maji taka na mazingira
      
      Zoezi la Usafishaji vyanzo vya maji na utoaji elimu kwa wananchi namna bora ya utunzaji vyanzo hivyo likiendelea baadhi ya maeneo ya mkoa wet
      
      Posted On : March,24,2020.
    - 1
      
      Zoezi la ufuatiliaji bili kwa wateja
      
      Baadhi ya watumishi wakiwa pamoja katika zoezi la ufuatiliaji bili za maji kwa wateja
      
      Posted On : March,20,2020
    - 1
      
      Ziara ya katibu mkuu wizara ya maji
      
      Katibu mkuu akiwa na badhi ya watendaji wa MORUWASA wakati wa ziara yake alipotembele maeneo tafauti kuangalia miradi ya maji inayo endelea
      
      Posted On : .....